10-8-2010 (Tue)

最後一天....

尋晚同你傾電話~電話竟然無電~問人借部電話~竟然唔記得你號碼~
我真係勁激氣~勁憎自己~點解可以話係最後一次既傾電話~
會係咁樣收場~而係自己問題~!!!!

唔係因為尋晚做野~唔係因為尋晚無訓過~
而係..我知道唔知幾時再有下次同你出街~
我個人好似得番個空殼咁~真係好down呀~
行行下~自己好似醒一醒~都開始好番d~
但好似大家既感覺都唔同~最後晚餐~一完就要離開~


認真又好~唔認真又好啦~送機又好~唔送機又好啦
我地咁enjoy個一日~每次出街都咁開心~都留低左個美好既回憶~
其實送唔送黎講~已經覺得唔重要~(我真係好驚去到我唔捨得呀...)
因為大家都知~各散東西~

當晚我睇番~果日我鼓起勇氣同你講既對話~
好彩我特登COPY~SAVE低左~
之前我真係唔夠膽同自己鍾意既女仔咁講嫁~
但一知道你要走~有左限期~就係咁強迫自己~
一走左~就無機嫁啦.....

明知道有限期我都會去~每次都會更加珍惜~
但時間真係過得好快呀~
今晚我已經喊左~忍唔到啦~
人生我真心鍾意既~又令到我會咁..你係第二個....
再見啦....hinly...

7-8-2010 (Sat)

尋日~終於忍唔住講左啦~
講左一番係心入面好真~想對你講既野~
今日一返到黎~真係...唔見你on~有d失落感~

4-8-2010 (Wed)

星期二~真係開心啦~
成個下晝同你一齊周圍行~
知道你就走~時間無多~每次都愈黎愈珍惜呀~

星期三~返到公司勁多野做...唉~
想你飛之前傾下計都唔得...

估唔到夜晚你會出現~
我仲以為要等成個星期咁濟添呀~真好呀~

1-8-2009 (Sun)

幾日無見~已經想再見到你~
但可惜時間已經無多~
倒數緊....

每次都想咩都唔理~但我好難做到~
有時原則真係累死人~
唔係我唔做~但覺得真係做~會好衰~

而一聽到佢提一個人~我成個人都亂晒咁~好忟~
心慘勁差~
可唔可以係我同你無左依個人呀....!?!? (依句我太激動先講出黎~我唔應該講埋d咁既野)
我已經唔想你走啦...

星期二.....